Video
Read full review
2005-08-27
21 views
昨晚同媽咪阿妹去o左lee度食任點任食晚餐, 本來以為$108/位又係d 呃人錢,又要茶芥又要加一, 但係原來只收加一,即係埋單每位都係$118.8，可以俾你坐兩個半鐘, 平日夜晚去食, 人少少,又夠靜,幾個朋友敘下舊、傾下偈，確係幾唔錯o既選擇。好啦...講o左咁耐,係時候入正題……講下d 食品質素先。首先講下飲品方面, 係全包的, 有茶之餘,又可以出去攞汽水,啤酒& 鮮橙汁,lee個係唔使加錢的,計落好抵。跟住我o地點o左成二十碟小菜/燒味/點心& 甜品,哈~唔好以為我o地好大食先得o架,其實佢d 份量不是太多,因為佢o地唔想食客浪費,所以寧願小小咁上,都唔想一大碟一大碟咁上枱，而且每次點菜最多只可選五款,不過絕對不會漏單, 只是上菜速度較慢,因為每一碟小菜都是即點即炒的,所以食客要忍耐忍耐。話就話108/位,但是絕不欺場,真係誠意之作呀！好啦,又講番我o地所點o既食物先。註︰所有食物都係根據人數去定份量,e.g. 3人的話,出來的份量就會是每人一件or兩件，份量算是o岩o岩好,如果唔夠食,可以再點的~小菜類︰1) 西芹炒象拔蚌 象拔蚌係全晚最差o既菜色，因為太硬咬不下，食落o
好啦...講o左咁耐,係時候入正題……講下d 食品質素先。
首先講下飲品方面, 係全包的, 有茶之餘,又可以出去攞汽水,啤酒& 鮮橙汁,lee個係唔使加錢的,計落好抵。
跟住我o地點o左成二十碟小菜/燒味/點心& 甜品,哈~唔好以為我o地好大食先得o架,其實佢d 份量不是太多,因為佢o地唔想食客浪費,所以寧願小小咁上,都唔想一大碟一大碟咁上枱，而且每次點菜最多只可選五款,不過絕對不會漏單, 只是上菜速度較慢,因為每一碟小菜都是即點即炒的,所以食客要忍耐忍耐。話就話108/位,但是絕不欺場,真係誠意之作呀！
好啦,又講番我o地所點o既食物先。
註︰所有食物都係根據人數去定份量,e.g. 3人的話,出來的份量就會是每人一件or兩件，份量算是o岩o岩好,如果唔夠食,可以再點的~
小菜類︰
1) 西芹炒象拔蚌
象拔蚌係全晚最差o既菜色，因為太硬咬不下，食落o既質感有點像豬肚
2) 薑蔥焗蟹
蟹是細細仔的肉蟹,不過肉質鮮甜,很香,好好味
3) 蒜茸粉絲蒜元貝
雖然係小扇貝,不過味道一流,所以都能夠滿足到我,每人有兩個,其實都好夠了, 因為還要留肚吃其他的佳餚嘛！
4) 玉環瑤柱甫
粒瑤柱好大粒,如果鍾意食lee味送,叫多幾次條數都返番o黎lu...抵食！
5) 黃金蝦
所謂黃金蝦就即係咸蛋黃炒蝦,這道菜味道做到恰到好處，用細蝦來做這味菜,反而覺得好香口,好好味,吃落也不會太膩
6) 金絲海皇卷
形狀似一條春卷，表層好似芋角咁,饀是一般海鮮卷的材料,味道又是做到恰到好處，雖油但不膩,很好味
以下三味菜,是家常小炒,所以不作詳評,味道是很好的。
7) 西蘭花炒帶子
8) 蒜茸焗勝瓜
9) 脆肉瓜炒斑腩
燒味類︰
1) 乳豬
味道好,但皮做得太油,感覺好像經了油炸般,比小炒有點遜色，(平時在這間酒家食晚飯的乳豬是燒得很好很好的)
2) 燒腩仔
肉太肥了,不太好吃
3) 海蜇薰蹄
份量算多,好像平時叫冷盤的份量,味道都好好,抵吃4) 花雕浸豬手
豬手很爽口,花雕很香,吃落不是太濃的酒味,只會微微發出酒香,我們點醋吃,味道簡直一流, 如果不怕肥,可以食多少少也無妨
點心類︰
1) 燒賣
即蒸點心,不咸不油不膩, 一個字︰靚！
2) 菜苗餃
好味,不會太油,餃皮不會太黏,水準之作
吃到lee度,我o地3個人已經吃到捧住個肚,不過點都要叫埋甜品, 先叫完美嘛...
甜品類︰
1) 香芒布甸
望落去個樣以為係d 好硬好"鞋",只得甜味的普通芒果布甸,但吃落才知原來全部都是錯, 因為布甸的質感很滑,很有芒果香味
2) 香芒糯米糍 (我叫了兩次,每碟2粒)
不太甜,中間有粒芒果肉,很好吃...
3) 喳喳
很多豆,haha...雖然味道偏甜,不過糖水o黎講,真係算好足料~
4) 楊枝甘露
我沒有吃,聽媽媽說很香,不會過甜
5) 黑珍珠椰汁糕
偏甜,不過口質十足,一粒粒黑珍珠逐粒咬,感覺好得意
整體而言,$120 食到咁o既質素o既任食晚餐,真係去邊度搵丫,比起食d咩所謂日本料理任食晚餐更抵食,真係抵食夾大件, 仲有個優惠呀,係8點半後每位$88咋,真係抵到冇人有o架,如果住o係北角o既朋友,得閒可以去試下o架...
我都會再去食多次,不過會揀八點半後去,抵好多嘛！hee~
註︰星期一至五
頭輪6:30 - 8:30 $108/位(成人),小童好似平20蚊
尾輪8:30後$88/位(成人),小童好似平20蚊
(星期六日好似要加20蚊)
Post