時新漢堡飽 (Closed)

港式漢堡名店，除咗添福之外，又點少得時新呢？呢度最出名嘅就係手打牛肉漢堡同埋自家製沙律醬。叫咗個單層芝士漢堡拼炸薯條下午茶餐，餐飲係朱古力咖啡，成個餐重點當然喺個包度，時新嘅漢堡扒肉質較為鬆軟，感覺新鮮，煎得燶燶的很可口，不過調味有點重手；醬汁方面，自家製沙律醬味道偏甜，質感亦偏稠，雖然並非我喜歡嘅口味，但由於塊漢堡扒真心唔錯，所以整體嚟講呢個漢堡包水準係 ok 嘅。相對炸薯條就比較失色，可能放得耐咗，上枱時比較凍同硬，唔合格。最後個朱古力咖啡就普普通通，當然唔可以用 cafe 嘅 mocha 嚟比較，不過始終算係喺快餐店嘅 menu 中比較少見，呢度加少少創意分啦😆。