六安居

Open Now

Now Closed

週末約佐親戚出離食飯，因為老人家多，所以大家都建議食粵菜，於是揀佐上環一間懷舊酒樓，本來我對呢種酒樓無乜好感，但系今次呢餐，刷新佐我對佢既認知🐔蒜香脆炸雞：蒜香味濃，金黃香脆，雞肉口感嫩而多汁。🦆六安霸王鴨：醬汁濃稠，略略搶佐鴨本身既味道，如果淡少少口感更佳🐏羊腩煲(跟菜一碟)：肉質軟糯，有嚼頭，支竹嗦曬醬汁非常入味。🍲薑蔥焗桶蠔煲：蔥香惹味，生蠔新鮮嫩口。🦐白灼海蝦：海蝦新鮮，肉質彈牙。🐟清蒸大星斑：魚肉嫩滑鮮甜，蒸既時間控制得啱啱好。唔會過火過老。🐔金錢雞：有叉燒，肥豬肉，豬肝同酸姜夾埋一齊食口感豐富。🍮蓮茸布甸：布丁順滑，不過蓮蓉就有少少偏甜。🐷杏汁燉豬肺湯：飲得出無添加味精，清甜潤肺，豬肺洗得比較乾淨，無豬既騷味。環境：裝修睇落去懷舊復古，不過衛生還算乾淨，服務可以，保留傳統風味，有機會可以去食一下。