Taiwan Lang

網上外賣平台外賣叫咗個新竹米粉同滷肉飯。叫嗰陣都覺得好貴，又冇寫新竹米粉有咩料，唔想再搵食咩就算數貴少少都落單。

黎到袋野好細，我同男朋友都黑人問號，係咪送錯？打開，係冇錯嘅。

$64嘅新竹米粉冇分湯，超級細兜，吸晒水，係水，因為成兜野都冇味，似病人餐！

$75嘅台灣香腸滷肉飯，冇錯，滷肉飯要$75。啲滷肉少到=平時食開其他舖頭$25嘅細滷肉飯。條香腸就係一條普通香腸。

最後一句，垃圾，冇咗晚市都唔應該咁冇誠意，轉個大啲嘅兜，分湯，俾多啲湯我。我都冇咁嬲啦。