御花園咖啡室

Open Now

Now Closed

十月份時酒店做超級優惠買二送二自助晚餐平均每位衹需$400，如果有長者仲抵，我一行八人咁啱有三位長者，折扣之後每人都係約$380非常抵。當時做緊泰越式自助晚餐 長腳蟹 青口蜆凍蝦等質素不錯亦都有麵包蟹肉質鮮甜 連我平時少吃咁麻煩嘅海產都有食到。頭盤的泰越式味道也不錯，熱食就略為失色尤其是我喜歡的羊架，可能擺喺熱爐裏已經煮到差不多全熟肉質好柴，咖哩也不夠辣度。甜品都有十幾款，可惜拿破崙衹出一次跟住冇出第二輪冇得試，但家人話好味，亦有雞蛋仔和幾款雪糕等。 四人訂座仲有咖哩軟殼蟹農夫包送，賣相和味道都不錯。不過人手方面可能有些缺，收碟並不太快 其實當晚客人只是全場的三分一，職員服務一般，訂位時提及有生日，要我自己主動問先畀生日字牌 但又冇跟到蠟燭 再問先有 似乎欠缺專業。整體來說食物質素和味道都不錯 如果繼續再有咁抵優惠 都可以當晚飯一聚來吃。