水門雞飯 (裕民坊YM²)

喺瑞和街打完波，趕得切5:30前去裕民坊間水門雞飯叫下午茶同dinner，真心抵。

3

後面對住物華街

佢$38有一個煮食，再加小食，再加$5有杯嘢飲。成單嘢都係43。我叫咗呢啲覺得幾好食：

泰式船粉嘅湯底對我嚟講都算有啲surprise，原本以為泰國嘢會好鹹，但係呢個船麵嘅湯底都算鹹淡適中。食完都唔會覺得好口乾嘅

泰式船粉

水門雞飯基本上都係正常發揮，佢下午茶就輕量裝，打完波都唔想食正餐太飽，所以啱啱好OK

跟餐嘅小食有得揀兩隻香茅雞翼，拎外賣返屋企途中聞到香噴噴☺️ 仲有佢涼拌牛舌（四塊）都真係整得幾腍身，加少少泰式辣汁食起嚟會更加有風味。因為自家炆牛舌真係一件好煩嘅事，有得揀都揀買返嚟食。

涼拌牛舌

老婆鍾意飲椰青，就加咗$40 order咗一個。都包裝得幾企理，椰青下面仲加個膠兜裝住，有啲椰青水漏咗出嚟，但都裝得住。而且椰青嘅份量真係好大個、兩個人都係勉強飲晒

椰青

甜品我哋仲叫咗個芒果糯米飯（$58）
芒果糯米飯都係幾煙靭口感，拎到返屋企仲可以有一熱一棟，凍嘅芒果再加埋暖身嘅糯米飯入口。

雖然我只係坐喺度等外賣，但係阿姐都俾個袋我裝住個書包，都算幾有服務態度

1

龍眼冰