餐廳的任食餐點有4個等級，而我今次就揀$398的霞。買一送一後，每位等於$199/位，認真抵食。
餐廳係入座後，職員就放低了刺身及燒肉拼盤，等大家立即醫肚。刺身有三文魚、帶子、希靈魚，同埋大蝦刺身。所有的刺身都幾新鮮，可以再encore。
至於燒肉拼盤，呢度有齊牛、豬、雞，同埋海鮮。係咁多肉肉之中，我最鍾意Mozzarella芝士雞腿肉，肉質嫩嫩的雞肉，點錫紙兜內的溶芝士，真係好惹味。另外，兩隻鮑魚都幾大隻，而且超級厚肉，食落爽口彈牙。比目魚西京燒燒完仲係好滑溜，本身唔多鍾意食魚的我都忍唔住再點多次。本身以為韓風瓷壺醬油牛肋肉會好辣，驚我未必食到。點知入口唔辣，而且炆得好淋身，而且啖啖肉。
另外，重頭器係熟成M5和牛西冷肉眼，呢塊排係任食！呢塊排的脂肪唔會太多，入口肉味香濃，食肉獸必點。
另外一讚的係牛油燒廣島蠔，雖然蠔肉唔太粒，不過蠔仔兄吸晒牛油汁的精華，真係好香。我們仲將淨餘的汁倒係金菇到食，惹味100分。
餐廳乾淨企整，而且抽風系統好，唔會周圍都係油煙，坐得好舒服。
Encore的刺身來得好足，而且有放題少見的呑拿魚，不錯不錯。
餐廳有不同的蔬菜都是用錫紙兜連牛油裝住，食落都好方便。
餐點仲有不少炸物，例如天婦羅、炸芝士等小食供應，啱晒鍾意食熱氣野的我。
食完熱辣辣的燒肉，最啱就係食凍冰冰嘅雪糕雪條。入邊有好耐冇見嘅紅豆豆雪條，即刻拎兩條來吃。
==============================
我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)
