上個星期六屋企人同我食生日飯，因為隔離鋪個staff態度差所以等依家，我同媽咪到左先就等，點知有位果時又話人齊先入得，咪再等，媽咪已經唔多高興話一早又唔講，因為屋企人搵唔到位泊車。之後個人話俾我地坐低先，唔係就要等多成粒鐘。
坐低之後我見好多人都叫人蔘雞湯就叫左，之後一個燒肉拼盤。等另外三個屋企人來到就叫埋海鮮煎餅，錦石頭鍋飯同牛肋骨肉（燒的）。因為我地4個女，一男。爸爸又食得唔多野。
首先配菜都ok，我本身都中意麻油菠菜同芽菜，但個泡菜好酸，一啲都唔中意。
跟住燒肉拼盤有豬，雞，牛各兩塊加蝦兩隻同幾件魷魚圈。啲肉超級考人牙力。。咬唔開！好差囉。明顯係好cheap既肉
牛肋骨肉就好啲，但明顯比之前系其他地方食有出入
石頭鍋飯，無飯焦既。。。
得個辣字
海鮮煎餅，ok la 無特別
最後燒哂肉佢先會整個人蔘雞湯，用火燒住佢。我好有期望架！成$250
點知。。。咩味都無，好似烚雞肉咁
我寧願佢細煲啲，整好味啲，爸爸已經蓋住等佢個味再出啲，但，只係好小小。。
之前系銅鑼灣食過都唔係咁。點知黎到所謂既韓國街就食到啲咁既野，我唔會再黎依條街食野
