Dim Dim Sum

會計小姐口痕想食點心，所以就孖小肥一齊喺公司附近間「點點心」度食晏。

1

餐墊

閒日午飯時間，餐店已坐滿客人，兩口子入座後先發現原來仲有樓上雅座，不過眼見店內人多，茶餐廳格局又冇乜好影，所以就費事四周拍照，以免影響其他客人。

餐店只有一頁自選餐單紙，落單簡易快捷。單點項目除咗精選點心之外，亦有幾款飯麵提供，二人就好隨意地點咗四個點心黎分。

2

點心紙

賽螃蟹翡翠菜苗餃（$24）：菜苗餃一客有三隻，餃皮煙韌柔軟，賽螃蟹翡翠菜苗餡料鮮嫩香脆，極之可口。

2

賽螃蟹翡翠菜苗餃（$24）

$24

黑松露小籠包（$22）：小籠包皮層夠薄，豬肉餡心軟嫩甜潤，入口時散發著微微o既松露香，不需點用醋汁調味，一啲都唔溜滯，如果可以再多少少湯汁就更加完美啦！

2

黑松露小籠包（$22）

$22

蟹籽燒賣皇（$27）：如相所示，燒賣皇顏色鮮美吸睛，賣相超掂！燒賣皇不但有樣睇，食落仲爽脆鮮美，可謂有姿勢有實際！

2

蟹籽燒賣皇（$27）

$27

脆皮鮮蝦腸（$29）：蝦腸中間夾咗層又薄又鬆化o既脆網，配合埋軟滑o既腸粉同爽口o既鮮蝦肉，口感豐盛又滋味，！

1

脆皮鮮蝦腸（$29）

$29

點心專門店「點點心」座位唔算好迫，服務生效率高，點心飯麵選擇雖不多，但味味新鮮熱辣有水準，餐廳理念明顯貴精不貴多，咁抵食XO仔當然係會再黎啦！食到中途，會計小姐見差不多枱枱人都點咗個外表超萌o既豬仔流沙包，而且有讚冇彈，結果亦忍唔住外賣咗客俾個姨甥孫食。

2

單據