雖然店舖唔大, 但店主夫婦熱情照待, 好有小店既人情味！
店內大部分都係店主親筆書法, 元朗既風土人情味盡現！
個炸雞翼真係好抵食, 10蚊3隻！
而且外脆內嫩，難得的抵食，另外仲有燒烤辣椒粉提供, 可自己選擇落唔落都得！
重頭戲係個泡菜煎餅，好香好夠味！
比韓國餐廳既更好食！大大舊都係30蚊！
最後壓軸係個淮山炒麵，雖然 d 料好家常，但淮山麵既口感真係好特別，彈牙爽口，好驚喜！
店主仲好體貼咁幫我地分開左兩碟裝!! 小店既人情味真係好加分呀！
整體來講，每樣野都好食，兩個人食到飽都係90蚊咋！
係呢個疫情既時候, 真係好抵食！
下次一定會再幫襯！
