Video
Read full review
2018-08-01
2879 views
行完南生圍，又難得入元朗，都同朋友係元朗食下飯原來元朗都非常多野食，西鐵站沿線多人程度同旺角差唔多，最緊要係少普通話!同朋友物識左呢一間蟹仙! 見佢外面緊套餐都有好多海鮮，而且仲有唔同湯底可以揀，蒸完海鮮可以打邊爐但入到黎睇menu，328既極上蒸氣石鍋抵食好多!，都係貴100蚊多d，材料升左幾級!另外見佢材料講到咁靚，最後加左20蚊要魚翅粥底~第一次食蒸鍋，佢呢個蓋幾有趣，見隔離台點蒸都無蒸氣，完全可以留住蒸氣邊蒸享焗，但打開個陣就要小心啦~普通茶芥~我見食海鮮冇要，蒸海鮮都係食佢原汁原味好d魚翅粥底，仲有咸豬骨，魚翅唔會太期待，因為依家既翅都愈黎愈少，而且328唔好諗住食到靚翅! 靚海鮮已經好好粥底落鍋，之後開始慢慢蒸了!等緊海鮮，要左一搾蜜桃汁飲住先，味道唔太濃夠冰涼，好彩佢味道同甜味唔係假海鮮上台，我地買個人都哇左出聲! 超!大!份!先黎左澳洲青年龍蝦同越南頂角膏蟹，見到既時候已經已經驚喜十足~完全feel到今次揀岩餐廳，抵食又大件蒸鍋本身都成個12寸pizza咁大，放哂龍蝦上去已經冇左成位，而且隻隻都爆多膏，真係搵命搏!應該所有海鮮店員都會幫你蒸，set好時間各方面，我地都係
原來元朗都非常多野食，西鐵站沿線多人程度同旺角差唔多，最緊要係少普通話!
同朋友物識左呢一間蟹仙! 見佢外面緊套餐都有好多海鮮，而且仲有唔同湯底可以揀，蒸完海鮮可以打邊爐
但入到黎睇menu，328既極上蒸氣石鍋抵食好多!，都係貴100蚊多d，材料升左幾級!
另外見佢材料講到咁靚，最後加左20蚊要魚翅粥底~
第一次食蒸鍋，佢呢個蓋幾有趣，見隔離台點蒸都無蒸氣，完全可以留住蒸氣邊蒸享焗，但打開個陣就要小心啦~
普通茶芥~我見食海鮮冇要，蒸海鮮都係食佢原汁原味好d
魚翅粥底，仲有咸豬骨，魚翅唔會太期待，因為依家既翅都愈黎愈少，而且328唔好諗住食到靚翅! 靚海鮮已經好好
粥底落鍋，之後開始慢慢蒸了!
等緊海鮮，要左一搾蜜桃汁飲住先，味道唔太濃夠冰涼，好彩佢味道同甜味唔係假
海鮮上台，我地買個人都哇左出聲! 超!大!份!先黎左澳洲青年龍蝦同越南頂角膏蟹，見到既時候已經已經驚喜十足~完全feel到今次揀岩餐廳，抵食又大件
蒸鍋本身都成個12寸pizza咁大，放哂龍蝦上去已經冇左成位，而且隻隻都爆多膏，真係搵命搏!
應該所有海鮮店員都會幫你蒸，set好時間各方面，我地都係等佢蒸好
出奇地，都唔需要蒸太耐，最多都係分鐘，我能個蓋鎖哂蒸氣，又蒸又焗快熟左
蒸完出黎唔太縮水，證明肉夠厚實而且非常多汁!
大到隻碗都放唔落，最後都係放落碟食算了! 碗用黎放殼
快快手食左個膏先，凍左都驚佢變腥，入口甘香鮮甜，真係冇得唔俾good
有人話由蝦尾可以成條肉抽出黎，但我次次都係蝦頭落手~
成條食係最好，入口啖啖肉，而且肉質好爽好彈牙
蒸完龍蝦就食佢越南膏蟹~ 真係超大隻.....呢一個尺寸既蟹自己落街市買都二三百蚊一隻，呢度有兩隻仲保證有膏又幫你整好哂，唔話抵食真係對唔住自己
蟹肉蟹蓋一開二，兩隻蟹已經霸哂個蒸鍋，份量真係大得誇張，店員幫我地落鍋，蒸左一陣就食得!
蟹膏超多，今晚真係覺得完全俾d蝦膏蟹肯包圍，好誇張......
蟹蓋最多膏，而且洗得乾淨，完全冇腥味
蟹身已經吮左兩啖膏先影相，都仲未吮得哂!
因為拆蟹要慢慢拆，都叫左店員唔好幫我地蒸野住，怕蒸完我地又未食完，放刑野凍哂
不得不說，除左膏，佢既蟹都好多肉食，而且蟹味好甜
仲有咩蒸???仲有一堆鮑魚，蟶子，貴妃蚌，青口同龍躉
款款都大大件，真係好少見到咁足秤既餐廳
先蒸蝦，青口同貴妃蚌。每次見到佢放野落鍋去蒸，都自然地要講句真係好足料，真係次次都可以放滿個鍋
而且每次蒸完出黎，d野都冇縮水，食材真係夠哂新鮮!
貴妃蚌值得一影! 蒸完出黎，成殼都係汁，味道夠哂鮮甜，而蚌肉夠甜夠彈牙
青口都唔錯，但青口比較普通。就係普通青口味，唔係話特別甜
海中蝦既蝦肉夠大隻夠爽口，食到依家都真係仲未有位俾我彈下間餐廳或者食材!
最後仲有蟶子同龍躉，唯一有少少美中不足係蟶子，其仔海鮮都非幫大隻，唯獨蟶子唔夠大
不過都係鮮甜彈牙既，絕對唔係差野。龍躉加豉油食會好喲，龍躉魚味唔濃，加豉油可以更鮮味
蒸蔬菜我都係第一次食，諗住要蒸得耐，但一分鐘就蒸完
鮑魚幫你洗好清潔好，蒸完就咁食就得，但估唔到只係蒸一分鐘!
佢又完全熱喎，食落煙煙韌韌夠彈牙，而且本身都略帶咸味，正!
蔬菜蒸完有點乾身，可能平時食開既都係水煮菜吧，但食落好爽口。栗米係超甜栗米!
食完哂d海鮮同菜，終於到粥底，集合咁多海鮮，唔洗諗都知佢甜!
仲可以按喜好加芫茜同蔥，加左之後更香!
粥底夠甜夠綿。但魚翅本身唔太期待，食落係普通魚觰。咸豬骨都好味，夠哂咸味，食落又香又腍
最後仲有燕窩糖水送! 甜度岩我，唔太甜，椰奶夠香，如果凍就更好
Post
