Raymond'z Kitchen (Closed)

26-10-2015 到渡船角食飯, 原本想食粥水打邊爐,因為要等一個鐘所以無等,行左一陣,見到間  裝修不錯,D主菜意粉300蚊起,估佢有料到,一睇有北海渡馬糞海膽,問明有沒有貨才入坐.於是叫一客給未食過呢樣野既朋友一試 (HK$2XX), 再加個阿根庭頂級紅蝦HK$88, 因為之前去過同區皇X飲食, 有D無喱頭附加費,所以叫頭盆試下先,唔掂就即刻起身走!

全場只有我地一台客, 環境頗靜;食物上檯,擺得好漂亮,共有5隻小湯匙,青瓜墊底, 一睇顏色橙黃色仲有少少出水(即唔新鮮),已知中伏, 一入口, 味度極淡.是普通大陸海膽! 我真係好想報消委會!唔好當人未食過亂咁黎! 本人食過無數次馬糞海膽,入口鮮甜,絕對唔係呢D普通野,仲要有少少UP味,完全唔好食!無吐返出黎已經算俾面!

果碟所謂阿根庭頂級紅蝦係完全等如元氣既紅蝦刺身,入口仍有少少冰,應改係解凍未夠,不過元氣賣40蚊4隻!貴左四倍幾!既不大隻, 刀功亦差! 隻蝦開爛左少少! 唔明咩叫頂級,不知是否氣頂個頂?
本來好鐘意試新野, 又一次失望經歷!