Video
Read full review
2022-02-20
76 views
💸NMSL以fusion菜為主，菜式選擇多，揀食咩好都心大心細🙊今次就食咗呢幾款：☕️ 白癡戀人咖啡 $50｜見個名咁搞笑，叫嚟試吓。杯面有果仁碎同棉花糖，望住啲棉花糖溶都幾治癒。記得撈勻飲，飲啖咖啡，再咬吓果仁碎，雙重口感。整體味道偏甜，嗜甜人士可試。▪️ 人人都嗌的啖啖蟹肉擔擔飯 $138｜睇menu見到講到「人人都嗌」，咁我又嗌先🙈面頭舖有蟹肉同蟹子，底部有嘅係擔擔麵風味嘅拌飯。齋試一啖飯，味道微辣，有花生碎同蘆筍。但成碟飯一齊食就覺得麻麻地🤔唔太夾🥶（可以試其他款）▪️大阪章魚燒意大利粉 $126｜章魚燒就食得多，但配搭意粉又真係未試過。一如既往，有章魚燒汁、沙律醬、紫菜、柴魚絲同章魚，撈勻意粉一齊食，完全係章魚燒嘅味😂唔會覺得奇怪/好膩，我哋就覺得呢碟意粉好味過擔擔飯～▪️貧窮是寂寞拼盤 $148 全份｜有半份同全份可以揀，半份揀3款炸物，而全份就有齊6款：薯條、秋葵蝦、天婦羅炸蝦、炸魷魚、炸薯波、腐皮扎肉。拼盤上枱熱辣辣，每樣都酥脆。其中秋葵蝦就好似煎釀三寶咁，將蝦肉釀入秋葵，咬落唔只得汁液，仲有少少蝦肉。☕️海鹽焦糖黑椒咖啡 $46｜就係同個名一樣，係加咗黑椒嘅焦糖咖啡。黑椒份量唔
☕️ 白癡戀人咖啡 $50｜見個名咁搞笑，叫嚟試吓。杯面有果仁碎同棉花糖，望住啲棉花糖溶都幾治癒。記得撈勻飲，飲啖咖啡，再咬吓果仁碎，雙重口感。整體味道偏甜，嗜甜人士可試。
▪️ 人人都嗌的啖啖蟹肉擔擔飯 $138｜睇menu見到講到「人人都嗌」，咁我又嗌先🙈面頭舖有蟹肉同蟹子，底部有嘅係擔擔麵風味嘅拌飯。齋試一啖飯，味道微辣，有花生碎同蘆筍。但成碟飯一齊食就覺得麻麻地🤔唔太夾🥶（可以試其他款）
▪️大阪章魚燒意大利粉 $126｜章魚燒就食得多，但配搭意粉又真係未試過。一如既往，有章魚燒汁、沙律醬、紫菜、柴魚絲同章魚，撈勻意粉一齊食，完全係章魚燒嘅味😂唔會覺得奇怪/好膩，我哋就覺得呢碟意粉好味過擔擔飯～
▪️貧窮是寂寞拼盤 $148 全份｜有半份同全份可以揀，半份揀3款炸物，而全份就有齊6款：薯條、秋葵蝦、天婦羅炸蝦、炸魷魚、炸薯波、腐皮扎肉。拼盤上枱熱辣辣，每樣都酥脆。
其中秋葵蝦就好似煎釀三寶咁，將蝦肉釀入秋葵，咬落唔只得汁液，仲有少少蝦肉。
☕️海鹽焦糖黑椒咖啡 $46｜就係同個名一樣，係加咗黑椒嘅焦糖咖啡。黑椒份量唔重手，唔會搶咗咖啡味，飲落帶少少辣，係有少少刺激嘅。
▪️牛油果蜂蜜芫荽沙冰 $50🥑｜牛油果奶昔就飲得多，呢杯沙冰再加埋芫荽落去打，味道更清新。芫荽份量唔算多，主要調一調牛油果味，但鍾意勁量芫荽嘅人就可能會覺得唔太茜🤣。
Post
