登打士茶餐廳 (Closed)

貓星人茶餐廳，一早就已經聽過，今日咁啱喺附近經過，決定入嚟試吓，一入嚟已經有一隻反轉咗個肚等你即刻摸幾下，坐低係有自選套餐$65 或者12款是日快餐，由於而家係下午時間，所以我都係揀咗金牌自選套餐，雞扒配腸仔煎蛋+咖喱汁，咖啡，等餐嘅期間，繼續玩貓貓🐱，佢哋唔怕人，見到大概四隻，應該仲有幾隻瞓着咗，真係好開心可以同貓貓咁近距離接觸一齊食午飯，我諗我未試過😍除咗貓貓Cafe飲下茶點食吓小食，一齊共進午餐就真係冇啦，都OK，一般茶餐廳質素食得開心，心情靚靚