Mokumoku Yakiton (永光商業大廈)

Open Now

Now Closed

銅鑼灣Mokumoku係主打豬串燒嘅日式居酒屋，仲會有好多唔同嘅豬內臟前菜日本凍蕃茄，加咗日式酸汁，凍凍地，酸酸地幾開胃芥末八爪魚，Wasabi味唔算好重，爽口，點佢都係攞嚟送酒食日本嘢多多少少都想食吓刺身，所以點咗刺身盛，分別有三文魚，牡丹蝦同日本帆立貝，新鮮，溫度幾好，唔會過凍食串燒之前都點咗個燒原隻魷魚，師傅冇將佢燒到好乾，表層有焦香入邊仍然有肉汁，所以食落唔會好韌，亦都係送酒嘅佳品串燒陸續上枱：豚肉芫荽卷，豚肉肥瘦相間，油脂豐富，捲着嘅芫荽都好嫩，唔會一口渣，我呢個芫荽控非常喜歡西班牙黑豚豬頸肉，豬頸肉爽口有油香，唔會好腍，越咬越有肉香內臟出場：豬肝最怕就係煮得過熟，會好硬，呢度師傅就燒得啱啱好，剛剛熟又唔會太硬，咬開有少少粉紅色。而調味以鹽燒為主，加少少七味粉吊一吊個香味就啱啱好燒豬腰，從來未食過豬腰係用燒嘅方法做，豬腰最怕就係去筋膜去得唔乾淨，會有一浸騷味。呢度應該係好捨得係用料上花功夫，切去大部份嘅筋膜，留返啱啱好一口一啖嘅薄片。而豬腰入口爽脆最緊要冇騷味幾啱食燒雞翼係日式串燒必點嘅，呢度火候控制都好好，皮脆肉嫩有肉汁，水準以上嘅日式燒雞翼最後加個芝士翠玉瓜，翠玉瓜比較淡