Video
Read full review
2019-07-25
343 views
最近要係荔枝角出JOB，所以LUNCH都會係返附近食～食飽飽係D2 行下，發現左呢間「THE SALTED PIG」，見室內環境不俗，於是就決定今晚嘅晚餐就係呢到解決啦.餐廳裝潢設計好有英倫風且帶型格嘅氣息，配上皮製梳發位，坐得零捨舒服昏暗嘅燈光，極高嘅樓底，空間感十足又有情調.餐牌選擇非常多，部分款式更有參考圖添～以「高質豬」為主打，當然亦有牛或海鮮可以選擇.睇下大合照先.先講下個SIZE，真係不得了 以JUMBO SIZE嘅大盤承載住，都係只係$148再講下味道，底部鋪滿一個個嘅薄脆粟米片，上層放滿左黑水欖，JALAPENO，蕃茄粒，再淋上大量嘅半溶芝士，牛油果醬同酸忌廉 賣相邪惡，令人食慾大增 輕輕一拎起，半溶芝士順勢拉出絲，「卡」嘅一聲，薄脆粟米片就咬碎左，隨伴住濃郁芝士香同輕盈帶微酸嘅醬料入口，真係超級正.共有兩塊，每塊炸魚嘅SIZE 如同一個手掌般大！炸衣非常薄配上鮮嫩彈牙嘅魚塊，入口薄脆香口，重點係，完全冇雪藏味魚塊整得幾好食都好，如果有一DD雪藏味，都只會係吾合格而底層嘅炸薯條睇得出亦花左心思 薯條炸至金黃色，再灑上辣粉，咬落外脆內薯帶點微辣，多層次味道.肥🐽其實吾多中
最近要係荔枝角出JOB，所以LUNCH都會係返附近食～食飽飽係D2 行下，發現左呢間「THE SALTED PIG」，見室內環境不俗，於是就決定今晚嘅晚餐就係呢到解決啦
.
餐廳裝潢設計好有英倫風且帶型格嘅氣息，配上皮製梳發位，坐得零捨舒服昏暗嘅燈光，極高嘅樓底，空間感十足又有情調
.
餐牌選擇非常多，部分款式更有參考圖添～以「高質豬」為主打，當然亦有牛或海鮮可以選擇
.
睇下大合照先
.
先講下個SIZE，真係不得了 以JUMBO SIZE嘅大盤承載住，都係只係$148再講下味道，底部鋪滿一個個嘅薄脆粟米片，上層放滿左黑水欖，JALAPENO，蕃茄粒，再淋上大量嘅半溶芝士，牛油果醬同酸忌廉 賣相邪惡，令人食慾大增 輕輕一拎起，半溶芝士順勢拉出絲，「卡」嘅一聲，薄脆粟米片就咬碎左，隨伴住濃郁芝士香同輕盈帶微酸嘅醬料入口，真係超級正
.
共有兩塊，每塊炸魚嘅SIZE 如同一個手掌般大！炸衣非常薄配上鮮嫩彈牙嘅魚塊，入口薄脆香口，重點係，完全冇雪藏味魚塊整得幾好食都好，如果有一DD雪藏味，都只會係吾合格而底層嘅炸薯條睇得出亦花左心思 薯條炸至金黃色，再灑上辣粉，咬落外脆內薯帶點微辣，多層次味道
.
肥🐽其實吾多中意食青口，但唯獨係藍青口佢中意 因為藍青口比一般紐西蘭或智利青口體積更細，每隻只得一，二吋長，易入口，而且肉質嫩滑軟綿幼滑嘅忌廉汁加入少少白酒，令藍青口味道更為鮮甜，大讚
.
招牌豬手顏色比一般豬手更深色，原因係用左醬料醃入味後再去烤焗，咬落係輕脆有聲，內裡好嫩滑，口感外酥內嫩 吾洗加任何配料都已經好有味，而且肉汁仲KEEP 得好好，食到肉既鮮味且不油膩真係高水準
.
高水準嘅一餐，一定要食埋甜品先完美 成個波波球造型嘅白滑忌廉，鋪上一塊塊朱古力碎片，食落輕盈又順滑，食到底原來仲有香蕉Pie 底，咬落鬆化，配埋朱古力雪糕食
Post
