校長燒肉日韓料理 (西裕街)

Open Now

Now Closed

上個月同愛人唔打唔撞去咗校長燒肉日韓料理食晏晝放題，坐得舒服人又唔多，最緊要係啲燒肉好好味😋，所以呢個星期日又Book咗去食，今次試吓食夜晚，見佢有三個時段，諗住第二日返工食早啲，5:00唔使同人迫，點知遠處行去，已見校長樓下企滿人，場面墟冚😱鬼咩夜晚食物豐富過晏晝，食貴D，要埋刺身，每人連埋+1都唔使$200，有韓燒有火鍋，同一時間兩種享受。食物種類多元化，肉類款式多，蔬菜新鮮大大棵，籠仔點心賣相好（在下肚腹位置有限，無食）；各款飮品＋酒＋花茶，細心到連🧊冰都有；雪糕來自香港製造，憑記憶有朱古力、港式奶茶、香芒、雲呢拿、菠蘿椰子，朱古力係在下推介；多種甜品唔在講，但都要講下自製新鮮菠蘿冰片，好香甜，有心機一片一片入袋仔供客人享用。