Fifty Fifty (Closed)

連續兩日光顧，但第二次就很失望，而且有點擔心。整盤食左一半先切開豬扒，發現中間唔夠熟。問四眼侍應是否唔夠熟，佢答唔出。之後一個四五十歲既廚師出來，話澳洲豬扒可以唔洗全熟，澳洲果啲豬肉七至八成都安全。我話豬肉黎架wor，佢好肯定咁答可以。廚師話你鐘意熟啲我幫你再煎多陣。塊扒表面焦而不暖，都係熟啲好，起初無留意已經食左兩口，心有餘悸。佢整盤拎左入去整左大概一分鐘，但佢拎返出尼果一半已經食唔落，其他都涼晒，加上之前豬肉都唔夠熟，免得交叉感染。建議豬肉類菜式，用餐前先切開。起初前一天週六中午，點左個便宜啲既A1全日早餐，咖啡豆同拉花都不俗，加餐湯才$81，覺得幾有誠意。食物材料不錯，炒蛋調味剛好，唔似其他餐廳咁食到味覺退化，長沙灣難得一間比較好。所以隔天才試貴一倍的烤扒全日早餐，可惜豬肉唔夠熟上碟，辯稱外地豬肉可以七八成熟，真係不了。