其實住喺鴨脷洲，去親大街來來去去都係食嗰幾間野，張記，食記，同埋市政大樓嘅熟食檔，今晚行行吓就比我發現左呢一間越大哥，先喺門口睇咗餐牌有咩食，發現價錢同埋食品(餐牌上面嘅相片)都唔錯，入咗去一試，兩個人唔係叫咗好多野，三食一飲。
香茅豬扒碎米飯
豬扒夠厚身，半肥瘦有骨香，味道啱啱好唔會太咸，碎米飯簡直得不得了，我相信佢煮之前打碎左，細細粒又有口感，飯上面仲有蔥油，送飯一流。
牛油雞翼
雞翼算大隻，炸到好香口，食到有牛油味，唯一唔好嘅就係面頭炸蒜蓉唔脆，淋嘅。。。其實唔落都可以，可能仲好食。
蒸粉包
上枱熱辣辣，好好食，不過有啲油，材料有木耳絲，肉碎，紅蘿蔔絲等等，一碟有四件啱啱好。
最後埋單一百七十幾蚊，價錢相當合理，比得開心
2
