HeBo BBQ 私人派對場地 (Closed)

生平第一次參加私人燒烤party,通常都是租爐，但今次這個party是我屋企人帶我去，聽聞足夠15人已經可以包場；這𥚃有很大的廳空間相當大，有點興奮，心想如果自己屋企有咁大就好，這裏有兩部電視機一部用來唱K，我當然唔放過啦，哈哈！仲有一部電動麻雀枱auntie 們可以在枱上聯誼一下喇！小朋友都唔悶有一部滑梯須然簡單咗一D但小朋友有得玩就唔計較！食物方面真係包羅萬有：龍蝦、大蝦、蟹、帶子、羊架、魚、义燒、花螺、和牛串燒，燒春雞脾，各種丸類和蔬菜等等，好多好多食物！飲品每人有6罐都足夠耶！所有食材都好新鮮，香港地地方細能夠幾家人聚在一起聊天，食吓，唱吓，打下麻雀好好享受一日真開心又方便！這個塲所相當唔錯，我好鐘意我會推介畀我朋友！