阿爺八鮮鍋 (Closed)

旺角登打士街一向係搵食嘅集中地，今次就去咗登打士廣場樓上嘅阿爺八鮮鍋試下佢嘅豪華海鮮火鍋雞煲放題。入到去餐廳已經好旺場好熱鬧，仲有一大排魚缸養住唔同海鮮，睇落好新鮮好豪咁🤩放題可以先食花膠年糕雞煲，再額外加刺身拼盤，like餐廳社交平台仲有小食送，食到咁上下就可以轉湯底打邊爐，可以飲叫肉類、一般火鍋配料同汽水都係任食，就連鮑魚、蟶子、帶子、蚌等貴價海鮮都係任點任食，好豪華好豐富，食到個肚捧住走🤰🏻時令刺身拼盤加錢叫咗呢個極盡奢華嘅刺身拼盤，有油甘魚、三文魚腩、象拔蚌同蟹膏蟹肉，全部都好鮮甜😋😋油甘魚同三文魚腩每塊都係好厚，蟹膏蟹肉可以自己用紫菜DIY整軍艦，蟹味濃郁。花膠年糕雞煲雞煲叫咗小辣，辣度都幾刺激，好惹味，雞肉份量好多，啖啖肉，花膠份量都唔少，而且每塊都幾大塊，食落幾爽彈😗不過要快手啲食，好快就黐底，要係咁搞下佢。炸魚柳Like咗餐廳社交平台就有小食送，呢日係蘇脆嘅炸魚柳。是日湯底（蘿蔔牛腩+酸菜魚鴛鴦）湯底款式成日都會轉嘅，呢日就揀咗蘿蔔牛腩同酸菜魚鴛鴦鍋，兩款都好足料👍🏻蘿蔔牛腩超大件，酸菜魚入面竟然係三文魚，幾得意😂但味道酸酸辣辣又幾有酸菜魚嘅風味。新鮮鮑魚、蘇格蘭蟶子皇