一坐低，老闆娘就推介我地飲竹庶茅根，佢話係自己整ga，果然好清甜，同罐裝隻假甜味好唔同😝 好飲！
我地揀左花膠響螺赤肉湯底，超足料😍 花膠湯好好飲😌😝 真係飲湯都飽🤣 我地直接食花膠😎
我地叫左蘇格蘭蟶子皇、椒鹽海中蝦、牛頸脊、響鈴、鮮墨魚滑。
蟶子好靚仔，個樣超鮮、閃令令😎 食材質素好掂🤙🏻
響鈴超。大。條！😳 老闆話係自己炸ga！出面絕對食唔到，好滿足🤩 平時我可以食晒成盒響鈴🤣 但呢度我食兩條已經足夠了😌
牛肉高質！一樣好靚仔，少少脂肪就最arm打邊爐，有牛味～
呢款椒鹽蝦都係自己炸，好惹味！好正🙌🏻 啖啖肉
墨魚滑好彈牙，又唔會太難咬，正👍🏻😄
今餐大滿足😋 食材頂級質素！而且好有心思～～～
