尚苑京滬川菜 (Renamed) View

俾老闆依依哦哦咗成兩個鐘，無晒胃口，午餐諗住簡單啲，去中式茶樓，食幾個點心，又返去再繼續做過。好心嘅同事話同我一齊去啦，個人冇咁depressed，點知佢陪我不特止，仲原來帶咗我去食好嘢，等我放鬆心情。同樣中式茶樓，同樣系點心食個飯，佢點到又龍蝦又鮑魚咁，窩心到死！ 🍖唔知係咪因為佢呢份真心，一開始上嘅呢個菜心特別甜。又或者可能其實係個子發揮功效。菜葉同埋菜筐，佢又幫我哋剪好分開曬，搞到鬼咁易食。 🍖跟住就係兩個點心牛肉球同埋菜苗餃，我鍾意個菜苗餃嘅皮口薄適中，所以可以食到裏面啖啖嘅菜苗。不過其實反而個牛肉球先至正，佢下面系用咗紫薑唔係用山竹，再加埋理所當然嘅喼汁，感覺系牛肉球食落好有鬆軟嘅感覺，唔似一般嗰啲硬到死。再勁啲就係鮑魚燒賣，成隻鮑魚放上個燒賣面，燒賣足料又勁多蝦，係啊，工作咁辛苦， 其實就係為咗食餐安樂啲嘅茶飯。 🍖最感謝同事安排咗龍蝦伊麪，唔係話未食過，只係喺咁嘅心情之下，食到一個咁好味嘅伊麪，半隻龍蝦啖啖肉，獻汁啱啱好掛喺伊麪之上，食左餐好，下晝個心情即刻靚翻曬。 重點系佢嘅價錢一啲都唔貴，我諗呢度好容易就成為我以後嘅comfort food。