豪園麵家 (Closed)

今晚同太太去黄大仙探人,探完都7点幾，就去附近食晚飯。行到去現崇山商場，揾下有乜野食，在商場外圍，見到間小菜餐廳，餐廳有户外座位，環境清靜開揚，感覺好舒服。餐廳食物款式多，但看到有個餸好特別，叫拔絲䌫角骨，而且有個二人套餐，有拔絲䌫角骨，再跟每位蠔仔肉碎粥，還有菜一款。蠔仔粥好足料，蠔仔大隻又肥美，粥底好鮮甜，方鱼有多。拔絲䌫角骨，拔絲甜甜地，䌫角骨香口又惹味，味道真係好特别。甜品後加了杯紅豆冰，大大杯，紅豆好大粒，又甜又林身，是傳統紅豆冰。