／
餐廳主打拉麵／小籠包，和一般food court一樣，先到櫃枱點餐然後等叫號碼，再自行取餐。
個人就覺得餐廳既一人超值套餐就比較抵食，套餐分3款價錢，取決於叫邊一款麵。
最平套餐A $60就可以食到一個套餐，包括主菜+涼菜+飲品（好抵食！）
而套餐C既酸菜魚／酸菜牛展就比較貴要$82，不過涼菜就可以選擇尖椒皮蛋同會多左灼菜半份
大食既人就建議叫套餐B／C🤣～
／
我就叫左套餐B（紅燒牛腩拉麵+涼拌小青瓜+灼菜半份+凍豆漿+小籠包4隻） $90
朋友都係叫左套餐B（大盤雞脾拌寬麵+涼拌小青瓜+灼菜半份+凍豆漿+鮮肉鍋貼4隻） $90
*餐牌雖然只寫住可+$18小籠包，不過我膽粗粗問可唔可以轉加其他，餐廳竟然話可以轉加鮮肉鍋貼😳😳唔洗2個人食8粒小籠包實在太好啦😳欣賞餐廳靈活變通👍🏻
／
原本牛腩麵係唔辣的，不過我又膽粗粗問可唔可以加辣，店員都好親切咁話🆗😳
拉麵食落去好滑溜溜好有咬口👍🏻
牛腩煮得好入味唔煙韌唔鞋，好易入口👍🏻
不過拉麵份量太大牛腩份量顯得有少少不足。
/
一個出色既小籠包就係要皮薄餡靚又多汁😍呢間餐廳就可以做到！
小籠包即叫即蒸，肉餡新鮮粒粒都飽滿，食落去鮮甜又多汁💦👍🏻100分！
/
嘩😍好大隻雞脾啊🍗足足有成隻手掌咁大！
雞脾肉食落去好嫩口又滑，完全唔硬唔鞋！扒開啲肉既時候都完全唔洗用力，因為輕輕一撥就已經骨肉分離🤤啖啖肉真係好鬼死正！
/
鍋貼個底略嫌有少少唔夠脆，同埋個皮唔夠薄，不過勝在內餡豐富又多汁，食既第一口仲唔小心噴射左啲肉汁出黎，大家食既時候記得要小心🤣🤣
/
呢間餐廳啲食物份量真係好大，就算係灼菜半份都係條條都大大顆又鮮甜！
／
如果係一個正常男人黎食一個套餐絕對好足夠！女仔既話可能散叫一個拉麵就已經好飽🤣因為佢既份量真係好大！（再三強調）
美食廣場環境舒適座位闊落，連收拾托盤既姐姐都好有禮貌😂不錯不錯
1
