豐盛閣

Open Now

Now Closed

如果去挪亞方舟唔想特登出去珀麗灣午餐，一來一回浪費左係挪亞方舟玩既時間，簡簡單單醫肚既可以選擇去豐盛閣。一入去豐盛閣見到餐廳既環境非常之好，好大既玻璃窗望著東灣沙灘、青馬大橋同埋汀九橋，睇著呢個景食乜都覺得係特別好食！原來豐盛閣夜晚有自助晚餐，望著夜景食自助餐似乎應該都唔錯！廚師精選可以揀西式午餐或者亞洲午餐，揀左西式午餐既肉醬意粉同埋亞洲午餐既炒飯。肉醬意粉既硬度適中，肉醬既份量亦唔會唔夠撈意粉算唔錯！估唔到炒飯有驚喜，最驚喜既係炒飯係用煲仔上，上面居然仲會有兩塊蝦片，唔好以為炒飯一定無乜炒餸，有3大隻蝦。