*此餐廳收取加一服務費。
二人套餐C（單點$268），蜂蜜味BBQ燒豬仔骨，豬肋骨肉質軟腍，食落好入味，味道甜鹹；雜菜沙律，內有羅馬生菜、紅毛生菜、苦菊、車厘茄、粟米，配以日式焙煎芝麻醬食用，味道更佳；粗切薯條，即叫即炸，配以番茄醬。
茄子焗芝士肉醬螺絲粉（跟餐$0），茄子食落好Juicy，配以芝士食用，味道鹹香，意大利芝士番茄肉醬份量多，味道濃郁，螺絲粉口感軟硬適中，配料包括有車厘茄
四色青口（單點$58），青口食落有鮮味，配以芝士鮮茄蓉、香草忌廉、芝士白汁、千島醬食用，味道更佳，薯蓉口感綿密，主要品嚐馬鈴薯的原味。
2客歐陸式濃湯（跟餐$0），南瓜忌廉湯，口感Creamy，味道清甜。
2客牛油法包（跟餐$0），表面鋪有蒜香香草牛油，口感酥脆。
自家製心太軟（跟餐$19），即叫即製，表面鋪滿糖粉，心太軟口感外薄脆內流心，採用自家製75%濃度朱古力製作朱古力漿，略嫌朱古力蛋糕皮偏薄，配料包括有蜜桃、忌廉、朱古力醬。
今日精選雪糕（跟餐$0），表面鋪有朱古力醬、彩糖針，芒果口味雪糕，味道香甜。
白牛（跟餐$18），採用雲呢拿口味雪糕、七喜、七喜冰熊製作，即使七喜冰熊融化，亦不會稀釋七喜味道。
熱奶茶（跟餐$0），口感幼滑，茶味濃香。
