麻浦元祖 (Closed)

早兩日肥妹仔同朋友去尖沙咀行街 ，行行下見到一間韓式燒烤，見到好多人，決定排隊試下。調味烤牛肉雪花牛肉牛脷純豆腐海鮮湯燒烤拼盤  $398首先嗌咗個燒烤拼盤二人份量， 有牛肉或者豬肉揀，而我同朋友都好鍾意食牛肉，所以就揀咗個牛肉拼盤。牛肉拼盤入面包括雪花牛肉，調味烤牛肉，牛脷，牛五花。雪花牛肉啲油脂同埋肉分配得好平均，食落口入口即溶，肉質一流！調味烤牛肉係塗上了燒烤醬，燒完可以唔使點任何調味料就直接放入口 ，每一口牛肉都充滿咗燒烤嘅醬汁 ，非常之惹味。至於牛脷係屬於薄切嗰種，燒完夾小小蔥花，食落去個口腔好清新，啲肉質亦都好彈牙。最尾嗰款肉類係牛五花，佢嘅肉畀雪花牛肉稍為韌少少，但不過都好有咬口。呢個餐除咗肉類之外仲可以配一個湯類，而我地就嗌咗個純豆腐海鮮湯。呢個海鮮湯入面好足料，有蝦，有魷魚，微辣，每一口都充滿咗海鮮同埋豆腐嘅香氣。海鮮煎餅  $85肥妹仔我同朋友發現唔夠飽，再嗌多個海鮮煎餅！個海鮮煎餅又係有好多料，有蔥，有魷魚，有蜆。呢個海鮮煎餅唔似出面咁樣好薄，有返一定嘅厚度，每一口亦都充滿咗唔同嘅海鮮料，食得好滿足。