花楽 (翩滙坊) (Closed)

依度嘅食物擺得好精緻好啱打卡，有位女同事服務簡直100分，好有禮貌，好有耐心回答我嘅問題，而且喺落單問題上處理得好好，另外，依間餐廳嘅花樂甜品真係真人靚過上鏡，甜品款式比Menu上Show嘅相片更加豐富、高質。*此餐廳收取加一服務費。安格斯牛肉鍋（單點$198），牛肉肉質嫩滑，牛味濃厚，配以生雞蛋、日式芝麻醬食用，味道更佳；火鍋配料好足料，包括有冬菇、大蔥、金針菇、紅蘿蔔、豆腐、娃娃菜、小棠菜；鍋物湯底類似壽喜燒湯底，味道甜鹹。花樂卷（單點$188），吞拿魚蓉卷表面鋪有香蔥，除咗食到魚蓉嘅口感，內仍有吞拿魚生粒，口感豐富；甜蝦卷口感彈牙；油甘魚卷味道鮮甜；山葵八爪魚卷八爪魚口感彈牙，味道清爽；蟹肉三文魚卷雙重鮮味；泡菜卷採用水户泡菜製作，味道酸辣，飯卷內有寒天蘆筍、忌廉芝士，食落口感好豐富。深海池魚壽司（單點$28），肉質厚嫩，食落好新鮮。厚燒玉子壽司（單點$20），玉子食落好Juicy，甜度適中，蛋香味濃，內有白飯。花樂甜品（單點$128），有9款甜品；玫瑰水信玄子配黑蜜，口感滑溜，味道清甜；十勝紅豆厥餅，表面鋪滿紅豆，厥餅口感煙韌，充滿抹茶味道；法國特濃榛子蛋糕，內有果仁、脆脆，食