牛川日本和牛專門店 (Closed)

我哋揀咗尊貴和牛放題$458一位，多款和牛及放題食品。無酒精飲品及罐裝啤酒都係任飲！首先有海鮮拼盤、日本A5和牛拼盤、和牛美人玉子及和牛沙律。海鮮拼盤有扇貝、蠔🦪、海蝦、魷魚 🦑、甲羅燒。日本A5和牛拼盤好靚，有多款唔同部位嘅和牛。和牛任食真係好抵！唔同部位肉質同味道都唔同，我哋仲叫咗牛舌。另外仲有多款食物都係任食，有刺身、壽司🍣我哋叫咗刺身相當新鮮。三文魚、吞拿魚、希靈魚、北寄貝、帶子、赤貝等等。熟悉亦有好多選擇我揀咗章魚燒、炸薯條 🍟、和牛漢堡、蟹肉湯、燒章魚餅、燒菠蘿🍍、燒日本甜薯等。蒜蓉包我覺得好食，燒到卜卜脆，蒜蓉牛油又好香。最後仲有雪糕。放題食物選擇多，食到飽飽。