大喜屋

Open Now

Now Closed

放假同屋企去食日式放題，剛好沙田新開了一間日式放題店，當日座無虛席場內有飲品區任飲又有些熟食區。我們拎了前菜有中華沙律、八瓜魚、螺肉、台灣香腸等。之後點咗天婦羅，熱辣辣有海蝦好大隻炸得好鬆脆，南瓜香甜，皇帝蟹棒嫰滑唔乾身，仲有日本迷你甜蕃薯。蒜香一口牛，牛肉粒唔韌有嚼勁。迷你手卷一人一件，細細件可以唔使食太多飯。燒鰻魚，皮脆煎得外脆內軟，肉質鮮嫰惹味。叉燒拉麵，屋企人每次食親放題都會點拉麵吃。豆腐牛肉鍋，豆腐幼滑牛肉鮮嫰。到甜品時間，芒果奶凍同豆腐花。雪糕就當然唔少得，味道好特別是玄米茶味。