因為已經開咗好多年，好有口碑，
亦都試過唔少次。
今次同男朋友第一次去到銅鑼灣，
試咗呢間銅鑼灣分店。
大概夜晚八點幾入座，
當時都已經好多人食緊，好受歡迎。
而且種類好多有兩本Menu紙，
可以俾我哋慢慢剔，
我鍾意佢有彩色相片俾我哋睇得好清晰。
食放題我最鍾意就係乜都可以食少少，
我就最鍾意食熱食嘅，叫咗羊架，
仲有受喜燒鍋，天氣凍凍地食少少暖野好幸福。
梗係唔少得試吓佢哋好多款嘅特色壽司啦。
佢哋啲壽司整到細細粒唔會話好大件，
令到你好飽肚食唔到其他嘢，刺身都好新鮮。
飲品方面好有特色嘅就係佢哋有熱飲，
有一個熱櫃放住維他奶，
即刻諗起細個拎住熱維他奶玻璃樽嘅時候。
上菜時間都快而且冇漏單。
甜品方面仲有movenpick，haagen daz選擇😋
唔錯嘅放題之選👍
