Video
Read full review
2023-01-13
88 views
之前喺尖沙咀食過牛駅覺得又抵又好食，最近去觀塘分店， 新店更寬敞舒適，自助區比尖沙咀更多選擇更大。 新張優惠晚市仲按人頭送日本A5和牛一份。 餐廳推出左新鍋底，分別係美顏花膠竹絲雞同滋潤🍎🍐雪梨蘋果豬骨鍋。今次試咗雪梨蘋果豬骨鍋，入口清甜，唔會遮蓋肉類原味。如果怕油膩，可以盡快拎起豬骨。 🧡熟食自助區有冷盤（麻辣豬脷同酒醉雞翼尖等）、生果（🍉西瓜、🍊橙）， 另一邊係2 款小食鹽酥雞同香芋地瓜圓 ， 同樣香脆，特別係香芋地瓜圓嘅香芋餡料好足， 仲有麻辣小龍蝦🦞成大盤任夾，超級入味😋，店員補充得幾快。 小食都可以透過QR code 叫， 我哋試咗🧀水牛芝士條、醉豬手同醬爆糍粑， 芝士條較厚硬身，唔係拉絲嗰種。糍粑熱辣辣，黑糖醬湧出來。 🧡火鍋肉類🥩SRF美國極黑和牛幾鮮嫩，望落吸引過肩胛肉。美國肩胛肉油花比較多，牛味濃。仲有，澳州羊肉片同美國豬梅肉片幾腍。 雖然雞肉口感一般，但係醉雞翼入味嫩滑，值得再試。🧡火鍋配料🐙QR code 落單配料款式繁多，尤其係有多款海鮮，有美顏花膠、日本帆立貝同白鱔片， 幾新鮮。 🍢自助區丸類有唔少特別款式，好似珍寶魚蛋 、糬來寶（魚漿包麻糬）、腸灌蛋🥚同埋三
餐廳推出左新鍋底，分別係美顏花膠竹絲雞同滋潤🍎🍐雪梨蘋果豬骨鍋。今次試咗雪梨蘋果豬骨鍋，入口清甜，唔會遮蓋肉類原味。如果怕油膩，可以盡快拎起豬骨。
🧡熟食
自助區有冷盤（麻辣豬脷同酒醉雞翼尖等）、生果（🍉西瓜、🍊橙）， 另一邊係2 款小食鹽酥雞同香芋地瓜圓 ， 同樣香脆，特別係香芋地瓜圓嘅香芋餡料好足， 仲有麻辣小龍蝦🦞成大盤任夾，超級入味😋，店員補充得幾快。
小食都可以透過QR code 叫， 我哋試咗🧀水牛芝士條、醉豬手同醬爆糍粑， 芝士條較厚硬身，唔係拉絲嗰種。糍粑熱辣辣，黑糖醬湧出來。 
🧡火鍋肉類🥩SRF美國極黑和牛幾鮮嫩，望落吸引過肩胛肉。美國肩胛肉油花比較多，牛味濃。
仲有，澳州羊肉片同美國豬梅肉片幾腍。 雖然雞肉口感一般，但係醉雞翼入味嫩滑，值得再試。
🧡火鍋配料🐙QR code 落單配料款式繁多，尤其係有多款海鮮，有美顏花膠、日本帆立貝同白鱔片，
幾新鮮。 🍢自助區丸類有唔少特別款式，好似珍寶魚蛋 、糬來寶（魚漿包麻糬）、腸灌蛋🥚同埋三色丸（粟米、蘑菇同蟹籽）。
🧡甜品
🍮杯裝甜品款式有幾款， 焦糖布甸🍮、 芋圓仙草凍、牛乳布甸、木槺布甸同朱古力慕絲等。🍨雪糕同雪條有韓國同本地（da dino gelato 第一次見） ， 仲有一隻1910 年起家嘅Bulla Choc bar 係朱古力脆皮包括雲尼拿雪糕，似比較一般嘅Mega。 芒果同原味軟雪糕🍦可以加唔同嘅🤤topping，有可樂糖、棉花糖同朱古力等等。
Post
