大喜屋

Open Now

Now Closed

想食日本野，所以同朋友黎食日式放題，呢間好似開左唔係好耐，裝潢好新。唔同時段係唔同價錢，價錢唔算貴。刺身好新鮮，而且種類都多，炸物都炸得外脆內軟，雞翼好香，而且唔會乾。炸芝士對我黎講有點膩，一件起兩件止。牛舌都唔錯，唔會燒得太老。仲有熱食選擇，我嗌左冬蔭公，好濃味，而且材料好豐富。朋友嗌左蟹粥，佢大讚好綿好好食，成碗食哂～壽司細細件，一啖可以食完，好易入口。估唔到仲有幾款海膽簡，另外仲食左海膽手卷，好鮮甜。呢到最抵讚既係個自助區，前菜﹑飲品同甜品選擇好多，冷熱飲豆漿涼茶都有，就連冷熱清酒梅酒都係任斟，呢個價錢黎講幾抵～佢係用apps黎落單，比起啲放題用紙落單更環保，而且落完單好快就上枱，幾有效率。不過個人認為啲坐位之間太近，如果坐得再寬落啲就更好。