B-mix 燒肉餐酒館 (Closed)

余小b同我都好鍾意食燒肉，所以呢晚嚟到元朗【B-Mix燒肉餐酒館】慢慢嘆～餐廳位於有美食街之稱嘅雞地，元朗西鐵站行過去大約十分鐘左右，地點方便～ 店內環境寬敞，裝修有格調，好有工業風嘅感覺，又設好多卡位，大家都坐得舒服，好啱三五知己嚟聚一聚～我地點左1set【二人前】, 好豐富啊！呢個套餐嘅肉類可選安格斯牛或黑毛豬肉，而且全日都有7折，單點食物也有85折優惠，好抵食！食物好高質，份量都好足夠2人享用！【二人前】沙律大大碗，加入了西柚醋，味道清怡好開胃～紫菜丼飯，滿滿的紫菜、魚籽和蛋，味道好夾，大人小朋友都鍾意～刺身三點盛， 有我大愛嘅赤蝦、帶子和八爪魚片，好新鮮，赤蝦好鮮甜，帶子入口軟滑～燒肉方面，有安格斯牛小排、厚切牛舌心、安格斯牛粒、薩摩赤雞雞肉和雞腎～ 牛小排油花細密，肉味香濃，入口嫩滑～ 安格斯牛粒燒完都好juicy,  牛舌心也非常爽口，余小b吃過不停，食完一塊又一塊！薩摩赤雞腿肉好鮮嫩，又滑又夠雞味～時令海鮮三盛更是不能錯過！有帶子、新鮮鮑魚和焗蠔，一啲都唔野少！鮑魚燒完特別香，而且好彈牙咬口，帶子夠厚肉，焗蠔好爆汁，重蠔味～野菜盤都好豐富，有冬菇、南瓜片、甜薯～我地另外單