🍽️1.5hr 牡蠣放題 💰598
🫖海鮮湯
入座後先送上小食及海鮮湯，海鮮湯以茶壺奉上好特別，並以底座加熱保溫，海鮮湯鮮甜，店員周不時會為我哋斟湯，最後會為我哋盛出湯壺內嘅蝦、蜆，果然真材實料🥰
🐠味淋魚干
魚干燒得剛好，香味四溢，配上沙律醬味道甜甜的，邊等主食邊食好快就清光
🍱喜多嬉懷石八品
嚟到主菜懷石八品，每位一份藤籃，賣相十分精美😍店員細心介紹每道菜，並建議由羊羹起順時針進食，以享用最佳味道，可見餐廳備餐用心，每道菜都係有準備同考慮過擺盤，而唔係單單為咗賣相🫶🏻
▫️伊勢海老羊羹：蒟蒻啫喱嘅質地 甜甜哋入面帶點咸
▫️鰹魚刺身：兩片厚切鰹魚 味道甘香 幾新鮮
▫️沙律：食完刺身再食沙律 配上沙律醋微酸 剛好清新口腔再食下一道菜
▫️月見手工燒鳥軟骨棒：雞軟骨爽脆 口富豐富 蘸上蛋漿更香
▫️喜多嬉牡蠣茶漬飯：濕潤嘅飯 味道清淡
▫️炭燒活鰻：油脂感重好香 唔似平時食鰻魚有鰻魚汁 簡單咁食到佢原來嘅味道
▫️秋葵
▫️金箔海膽蟹肉：嚟到八品嘅最後一道菜 亦都係最期待嘅🦀海膽鮮甜冇苦味 蟹肉份量亦唔少
🍴生蠔+焗蠔+焗帆立貝+串燒
喺食緊八品嘅同時，店員已陸續為我哋送上半打生蠔、(原味及蒜蓉味)焗蠔各二、(原味及蒜蓉味)焗帆立貝各二，食完之後可按個人喜好再向店員order想食嘅食物及口味☺️
🦪生蠔隻隻都肥美飽滿，已調配咗蔥花及醋，自行加入檸檬汁就可以食用，海水味唔算太重，味道新鮮！
🔥焗蠔&帆立貝同樣大大粒，蒜蓉味帶點微辣，比起原味個人更喜歡蒜蓉味🧄
🍢是日串燒共有九款，每款先送上一串，分別有雞翼、雞腿肉、豬頸肉、雞腎、七里香、羊肉、雞心、茄子、蕃薯仔😋雞腿肉嫩滑好味，雞腎雞心又香又爽口，七里香(雞屁股)油香重
🍜松葉蟹五島手延烏冬
烏冬比較幼身 口感唔錯 重點係個湯底超甜 濃濃嘅海鮮味道 仲有隻蟹鉗
🍧白桃雪葩配蕨餅
蕨餅煙靭 酸酸甜甜又冰凍嘅雪葩入口即溶 粉紅色花花形狀嘅餅鬆化本身冇味 加埋雪葩一齊食就變得好味
🍹任飲汽水及梳打特飲
是日梳打有三款：白桃、柑桔、荔枝🍹甜甜哋十分解渴，而且唔係死甜👍🏻
如果想飲酒，+$58就可以任飲生啤🍺
🔔另設加一
