好豆製研究所 (Closed)

入到去元朗，搵食地圖實在可以令人揀到眼花撩亂！又可以揀食鹽水雞，又可以食大粒冬菇燒賣，嘢食來講可以話有好多選擇。飲品都係！平時都會揀珍珠奶茶或者係水果茶，今日搵到呢間係飲豆漿嘅！一見到間鋪頭就已經好鍾意！staff介紹埋佢哋係有漫畫連載！果然好有心機！未行到入去已經聞到濃濃嘅豆漿味！去到見到豆漿原來都可以有好多選擇！有粟米味，紅豆，紫薯等等！朋友就介紹我飲榛子可可味！連埋個樽都好得意！飲用之前記得搖勻！我呢支豆漿味同埋可可都好出色！兩邊嘅味道都飲到，唔會搶咗大家嘅味道！仲買多咗幾支添！大家快啲嚟試吓啦！