鍾廚

Open Now

Now Closed

加人工請屋企人食飯, 搵咗位於北京道一號呢間較高檔小小嘅中菜廳。餐廳裝潢偏中國風, 遠眺維港海景, 視野廣闊。食物款式多, 以呢個地段黎講, 價錢唔算貴, 最重要係質素水準高, 令人讚口不絕! 入座後揀茶, 茶種選擇多。【涼拌海蜇】HK$78海蜇闊得如闊麵條, 口感超爽滑, 配上黑醋、莞茜、脆青瓜, 酸尾尾, 清爽又開胃。【紅燒乳鴿】晚市HK$68價錢超抵, 買一送一, 再跟兩杯百香果汁, 幾乎每一檯都定必ORDER!乳鴿即炸, 外層炸得有油光, 絕對稱得上皮脆肉嫩又juicy, 配上幾小杯百香果汁, 稍帶一點清新果香。【避風塘炒蟹】HK$198 (兩隻)同樣超抵就係呢個明碼實價嘅炒蟹, 而且仲送兩支燕京啤酒。兩隻肉蟹好厚肉, 稍為泡過油鎖著肉汁, 梳梳蟹肉鮮甜, 配上避風塘炸蒜, 香辣惹味, 邊食邊飲啤酒, perfect match!!!【上湯海蝦伊麵】HK$168海蝦份量多, 幾乎覆蓋整個伊麵, 海蝦爽彈, 上湯味道渾厚圓融, 非常美味, 加埋吸收了上湯精華嘅伊麵, 令人回味。