鉄人旨花

Open Now

Now Closed

今晚同個客去到銅鑼灣謝斐道（鉄人旨花）日本餐廳食鐵板燒， 餐廳設計十分裝潢，店員的服務都好親切，食鐵板燒可以一邊食，一邊看到廚師精湛的廚藝。蕎麥沙律，蔬菜新鮮，色彩繽紛．加上蕎麥同醬汁，非常開胃。食鐵板燒最好就係有味覺之餘，仲有埋視覺享受，就係睇到廚師將每種美味的食材即刻在你面前烹調後，將熱呼呼的菜式逐樣上菜。白鱈魚，將魚皮煎至微焦，白雪魚慢煎到肉質保持嫩滑 ，師傅果然是用心烹調。 海膽汁煮龍蝦，將一隻新鮮生猛猛的龍蝦，經過廚師一輪時間烹調後，在我面前就係一碟鮮甜美味爽肉的海膽汁煮龍蝦。日本熊本縣產A5和王牛我覺得食優質和牛，叫三至五成熟便可，因本身和牛食材已很優質再加上廚師的廚藝．令到這A5和牛成為入口即溶， 店員介紹三種食法，先試原味，再試岩鹽及燒汁，最後夾上炸蒜片及即磨山葵一起食。法國白蘆筍、波仔椰菜。清酒帶子雞湯，啖啖肉新鮮的帶子加埋酒香味，十分配合。炒飯加配菜，看似簡簡單單的炒飯，但食時吃到粒粒金香分明，果然有水準。甜品，冰凍的生果杯，分別有鋪面的紅石榴、中間的血橙肉、底層係哈密瓜，三種口感，十分有特色。