Video
Read full review
2006-04-04
5 views
至今只去過一次味千, 就係官塘呢一間, 但係已經令我去到日本見到味千都拉handbrake 掉頭走...自問都"苯"唔算得上孤寒, 但係以佢地d出品黎講, 個人覺得收成三十幾銀野個面的確係有d行劫既感覺(日本版出前一丁都不過賣五皮, 我煮好食過佢d)件叉燒又乾,又薄,又細,又散... 果堆粟米仲未曾融好雪... 個湯又死咸...個煎餃子仲大劑, 餐牌寫明唔知手包餃子定自製餃子咁上下(唔記得左exactly個名),黎到一睇,就發現味千做餃子班人緊係公仔點心做part-time....而且個餃子仲係炸既... 完全冇heart, 但係賣5皮一隻(20蚊4隻)....佢地既service就更突出.... 叫個waitress叫左5~6聲, 但係佢都仲掛住度照鏡... 搞下d頭髮呀咁...落單時手腳又慢, 仲好似我爭佢錢咁.. d態度呢(可能我生得唔靚仔啦).... 食到咁上下, 我地發現仲有一個小食未到, 就問下一個狀似經理既"人"啦...後來果條友走番黎同我地講,"你地冇叫到個xxx"....咁我咪答"唔係喎, 我明明叫左架喎, 你不如再check check丫"因為我覺得如果叫佢補單,
自問都"苯"唔算得上孤寒, 但係以佢地d出品黎講, 個人覺得收成三十幾銀野個面的確係有d行劫既感覺(日本版出前一丁都不過賣五皮, 我煮好食過佢d)
件叉燒又乾,又薄,又細,又散... 果堆粟米仲未曾融好雪... 個湯又死咸...
個煎餃子仲大劑, 餐牌寫明唔知手包餃子定自製餃子咁上下(唔記得左exactly個名),黎到一睇,就發現味千做餃子班人緊係公仔點心做part-time....
而且個餃子仲係炸既... 完全冇heart, 但係賣5皮一隻(20蚊4隻)....
佢地既service就更突出.... 叫個waitress叫左5~6聲, 但係佢都仲掛住度照鏡... 搞下d頭髮呀咁...
落單時手腳又慢, 仲好似我爭佢錢咁.. d態度呢(可能我生得唔靚仔啦)....
食到咁上下, 我地發現仲有一個小食未到, 就問下一個狀似經理既"人"啦...
後來果條友走番黎同我地講,"你地冇叫到個xxx"....
咁我咪答"唔係喎, 我明明叫左架喎, 你不如再check check丫"因為我覺得如果叫佢補單, 陣間出左double就好浪費啦...
殊不知佢仍然堅持"你睇下啦, 你地張單都冇寫到xxx..."
但其實:
1, 張單冇寫並唔代表我冇叫, 個姐姐仔take完order冇覆單比我聽.
2, 佢咁講即係話係我唔啦.. 而且仲十分之肯定...
3, 就算真係當係我錯, 醒目d既, 都會話"可能漏左單啦, 不如我幫你補番丫?"咁樣無論我最後要唔要, 我發火既機會都細好多...
我仲唔拍佢!?
我剷完佢之後, 佢竟然仲問我"咁你仲要唔要個xxx架?"
我話"要你xx!!"
下面比分果度,有d野比一分我都覺得太高....
如果味千d高層睇到我以上既經歷,麻煩拿拿聲執左官塘分店啦... 台前幕後,冇忽好肉...
一間分店既生意事小, 成個味千既牌頭事大呀...
Post