Video
Read full review
2017-11-11
110 views
天氣開始凍又係打邊爐嘅時候喇！一直聽朋友講呢間酒鍋嘅邊爐水準好高，但之前懶過海所以無試過～原來尖沙咀都有分店架！可能係位於新大廈關係，同一般火鍋店唔同，樓底特別高，通風好，唔焗促首先介紹湯底，我揀左用分別用上四款酒做湯底嘅行酒江湖 $298包括清酒海鮮、花雕醉雞、蕃茄紅酒牛尾、啤酒魚，雖然只係湯底但用料非常足，鐘意飲湯嘅可以好似我咁，落火鍋配料前飲d湯先～清酒海鮮有大量鮮甜花甲，花雕醉雞用上鮮雞配藥材，感覺滋補，蕃茄紅酒牛尾有幾件炆到又淋又入味嘅牛尾，茄味濃郁，亦係我最鐘意嘅湯底！而啤酒魚用嘅魚完全唔腥海鮮拼盤$368蟶子、扇貝、蝦、花甲、蚌各兩件，兩個人叫呢個拼盤岩岩好每樣一人一件，海鮮亦都係好新鮮同處理得好乾淨掛架安格斯牛頸脊 小 $188呢款牛頸脊用掛架上既吸睛又好聰明！牛肉唔會疊埋一片片，又唔怕被冰浸住流失牛味，牛肉雪花紋理好靚，入口軟滑，牛魔王可以叫大份試下！黑啤熊 $88將墨魚丸整到成隻熊咁真係好得意！溫馨提示：唔想佢淥完面容扭曲，就要趁佢仲冰凍嘅時候淥喇上：即炸手工紫菜嚮鈴卷 $58嚮鈴卷入面再加左塊紫菜一齊卷，過一過湯底就可以喇，仲保持到好脆口下：7星報喜 $88有7款
一直聽朋友講呢間酒鍋嘅邊爐水準好高，
但之前懶過海所以無試過～
原來尖沙咀都有分店架！
可能係位於新大廈關係，同一般火鍋店唔同，樓底特別高，通風好，唔焗促
首先介紹湯底，我揀左用分別用上四款酒做湯底嘅行酒江湖 $298
包括清酒海鮮、花雕醉雞、蕃茄紅酒牛尾、啤酒魚，雖然只係湯底但用料非常足，鐘意飲湯嘅可以好似我咁，落火鍋配料前飲d湯先～
清酒海鮮有大量鮮甜花甲，
花雕醉雞用上鮮雞配藥材，感覺滋補，
蕃茄紅酒牛尾有幾件炆到又淋又入味嘅牛尾，茄味濃郁，亦係我最鐘意嘅湯底！
而啤酒魚用嘅魚完全唔腥
海鮮拼盤$368
蟶子、扇貝、蝦、花甲、蚌各兩件，
兩個人叫呢個拼盤岩岩好每樣一人一件，
海鮮亦都係好新鮮同處理得好乾淨
掛架安格斯牛頸脊 小 $188
呢款牛頸脊用掛架上既吸睛又好聰明！牛肉唔會疊埋一片片，又唔怕被冰浸住流失牛味，牛肉雪花紋理好靚，入口軟滑，牛魔王可以叫大份試下！
黑啤熊 $88
將墨魚丸整到成隻熊咁真係好得意！
溫馨提示：唔想佢淥完面容扭曲，就要趁佢仲冰凍嘅時候淥喇
上：即炸手工紫菜嚮鈴卷 $58
嚮鈴卷入面再加左塊紫菜一齊卷，過一過湯底就可以喇，仲保持到好脆口
下：7星報喜 $88
有7款唔同顏色唔同食材唔同味道嘅手打墨魚，例如紫薯、蟹籽同粟米，至於呢7款分別係咩味道，大家過黎邊食邊估啦～
鴨血 $68
一般台灣火鍋必備嘅鴨血糕，喺呢度都食到（尖叫中）
蔬菜拼盤 $58
估唔到呢個價錢嘅蔬果拼盤嘅蔬果種類咁多同咁新鮮！每樣少少，樣樣都可以試到
紫貝天葵 $26
竹蔗茅根 $26
自家製，唔太甜又解渴，如果加埋冰塊會更加好～
非常推介對火鍋有要求嘅人黎呢度試下！
Post
