入到餐廳以木系裝修為主，日系簡約設計，樓底都幾高，空間感足，好舒適，仲可以坐近窗口位置望下街景，好relax。
餐牌內有好多唔同款式嘅肉類、意粉、Pizza、漢堡、沙律、小食、甜點、咖啡等，真的很不錯。
3
照燒三文魚西蘭花扒茄 三文魚籽荷蘭汁 $168
三文魚煎至金黃香口，外脆內軟，魚肉非常嫩滑，用上荷蘭汁調味得剛剛好，配合鮮爽嘅西蘭花、烤蕃茄同香口烤豆角，食起來層次感與味道豐富。
TERIYAKI CHICKEN $138
呢款係日式Pizza，材料有照燒雞、洋蔥、蘑菇、青葱、紫菜及蛋黃醬。餅底香脆，陣陣麵粉香氣散發出來，日式照燒雞帶鹹香味，肉質嫩滑，蔬菜爽口，蛋黃醬好creamy，必食之選。
炸蟹肉球拼薯餅配蜜糖芥末醬及茄乾醬 $118
炸蟹肉球香脆可口，入面滿滿蟹肉，新鮮美味，口感豐富，大滿足！薯餅炸至金黃，超香脆口感，薯味濃郁，面層加咗茄乾醬、香橙及漬物，再沾上蜜糖芥末醬，香味獨特，太好味，好快就已經俾我地食完啦。
2
自家製開心果巴斯克芝士蛋糕配果咖啡忌廉 $78
這個擺盤很精美，打卡之餘，味道仲特別好味。呢款係開心果巴斯克芝士蛋糕，面層有粒粒開心果同咖啡忌廉，蛋糕質地帶少少濕潤感，食落入口即溶，芝士味濃郁且鹹香，口感幼滑，令每一口都充滿甘香滋味。
Wonderland $68
呢杯充滿日式風味嘅特飲，椰子水、抹茶泡沫、椰子粒，抹茶非常濃郁甘香，泡沫幼滑，甜度啱啱好，椰子水與抹茶結合，口感清香滑順，抹茶控們必定滿意。
Floating Fantasy $68
依款飲品顏色都好靚，Espresso嘅微苦香氣配搭菠蘿汁，味道甘醇帶點清新，飲落只是少少甜，充滿咖啡同果香味。
