撈喜 (Closed)

約左媽媽谷朋友交收，同亞仔首次來到東大街，好多野食，花多眼亂，朋友介紹話要黎食超抵花膠面順便進補一下，好吧。門面細，好彩係街尾個間，如果唔係一定走漏眼。店鋪小，坐位排得滿滿，個個好快食完就走，午市唔洗等位，反而外賣既人較多。叫左$68招牌花膠撈+$58美人湯登登登登~ 花膠好大片啊!!一大片花膠卷住西蘭花，個面積好大，只係細過我隻手小小，好誇張，口感又黏又淋又滑，個口俾d骨膠原漿住，堅料! 西蘭花吸左似鮑汁既味，好食。撈面有密密麻麻既蝦籽蓋住，撈一撈，每條面都痴到蝦籽，好香，連埋汁好好食。靚太梗係要飲返個美人湯啦，原來係花膠燉雞， 燉盅內滿晒料，花膠又係大大片，雞腳，豬肉粒，雞肉同埋杞子紅棗非常足料， 紅棗超級甜，靚貨! 肉類新鮮，唔嚡口。淨係食呢盅野都已經飽啦～隱藏呢塊超大花膠，食左想唔變美人都唔得啦~~ 同亞仔齊齊變靚，皮膚滑滑過新年，呵呵呵！