生記山西刀削麵 (Closed)

第一次食佢都有起碼4，5年，果時仲係細鋪，人少少下午茶又抵食，唔使40蚊有野飲。而且真係好好食，湯係清，但個辣汁惹味，我由以前食少辣一路食到中大辣都係因為佢，停唔到口。慢慢人流多左，我叫手拉麵d粉粗左冇咁滑，刀削麵厚左又難咬左，不過個湯同辣依然ok。我最愛依然係手撕雞。裝修後的上個月，OT放工返元朗都成9點10點，難得佢開張又再入去食。空間大左靚左光猛左。同樣的手撕雞拉麵，要47蚊，不過連個湯都味精左，雞少左，麵好似都少左dd。唯一係個辣汁惹味，不過只讚個汁我都講到唔好意思。有失望，希望可能個湯清返d，麵都拉返以前個水準。