Video
Read full review
2014-06-21
117 views
第一次出席呢種function, 舉辦單位係由護鯊行動與御苑皇宴合辦，菜式是無翅佳餚，共有8道菜，飲宴無翅食都可以好好味，希望大家睇左以下介紹後，可以唔再食魚翅啦！第一道: 雙拼點心皇(蝦餃及燒賣皇)蝦餃皮薄，一d都唔痴筷子，裡面有3隻蝦，好爽口彈牙，而且有少少汁，讚!燒賣上的蟹子好新鮮，咬落卜卜聲，裡面有豬肉，蝦，冬菇碎，豬肉一d都唔肥，蝦又係爽口彈牙，讚!第二道: 五福臨門大拼盆有水晶肉，叉燒，油雞，燒腩仔同芋泥腐皮卷。水晶肉無咩味，普通貨色。叉燒好軟熟，肥瘦均衡，送飯一流呀！(可惜無白飯)油雞偏肥，不過肉嫩，反而覺得點既薑蔥好香，有d妹仔大過主人婆添!燒腩仔燒得好香，個皮超脆，肉同肥膏間隔均衡，唔點芥末都好好食~芋泥腐皮卷裡面有金菇，竹笙，蘿蔔，腐皮包實後，外面再加芋泥包好去炸，一d都唔油，素卷黎講唔錯。第三道: 鐵板乾燒大蝦其實當佢係茄汁煎大蝦都得，大蝦唔算好新鮮，殼有d痴肉，蝦肉吸收唔到d茄汁，可以再入味d會好d。第四道: 金盒藏珍(南瓜鼎湖上素)張相影得個南瓜好似好細，其實個南瓜超大個，而且好甜，連皮食都得，裡面既素菜有竹笙，粟米，冬菇，髮菜....素菜味道麻麻地，好淡口，
第一道: 雙拼點心皇(蝦餃及燒賣皇)
蝦餃皮薄，一d都唔痴筷子，裡面有3隻蝦，好爽口彈牙，而且有少少汁，讚!
燒賣上的蟹子好新鮮，咬落卜卜聲，裡面有豬肉，蝦，冬菇碎，豬肉一d都唔肥，蝦又係爽口彈牙，讚!
第二道: 五福臨門大拼盆
有水晶肉，叉燒，油雞，燒腩仔同芋泥腐皮卷。
水晶肉無咩味，普通貨色。
叉燒好軟熟，肥瘦均衡，送飯一流呀！(可惜無白飯)
油雞偏肥，不過肉嫩，反而覺得點既薑蔥好香，有d妹仔大過主人婆添!
燒腩仔燒得好香，個皮超脆，肉同肥膏間隔均衡，唔點芥末都好好食~
芋泥腐皮卷裡面有金菇，竹笙，蘿蔔，腐皮包實後，外面再加芋泥包好去炸，一d都唔油，素卷黎講唔錯。
第三道: 鐵板乾燒大蝦
其實當佢係茄汁煎大蝦都得，大蝦唔算好新鮮，殼有d痴肉，蝦肉吸收唔到d茄汁，可以再入味d會好d。
第四道: 金盒藏珍(南瓜鼎湖上素)
張相影得個南瓜好似好細，其實個南瓜超大個，而且好甜，連皮食都得，裡面既素菜有竹笙，粟米，冬菇，髮菜....素菜味道麻麻地，好淡口，似係無落鹽咁，唔掂!
第五道: 雪嶺紅梅玉環甫
呢道菜擺法賣相精美，菜苗新鮮幼嫩，節瓜爽口，裡面是豬肉加墨魚打成的餡，爽滑似食緊墨魚滑，連埋節瓜一齊食好好味，好食過用瑤柱啦！
第七道: 古法麒麟蒸斑塊
斑塊整得太耐，好老好韌，一d都唔滑，吸收左金華火腿d鹹味搞到好鹹，反而金華火腿就唔錯，菜心都好甜，d斑塊火候要再調節下。
第八道: 素包荷葉飯，鴛鴦水晶包
個荷葉飯無影到，事關佢一碗碗裝好哂就咁上枱，無賣相之餘，味道實在太難食，d飯無炒過，完全係濕淋到好似俾bb食咁，又淡味，食左一啖都唔想再掂。
鴛鴦水晶包係紅豆同奶黃餡，外皮晶瑩剔透，幾煙韌，奶黃餡好香好滑，一d都唔甜，不過我本人麻麻地奶黃餡，食左一粒就算。
紅豆餡甜甜地，仲食到少少豆茸，好香甜，我忍唔住食左2粒，如果紅豆沙都做到呢種味道就好啦！
以上就係今日既無翅佳餚，希望大家睇完都知道宴會無翅係唔會失禮人!
另外再一次多謝"護鯊行動"與御苑皇宴既款待!
Post
