譚仔三哥米線 (希爾頓中心) (Closed)

譚仔三哥嘅三哥酸辣湯間間都唔同效果，就算同一間都要啱時辰先中到啱口味嘅。今日沙田哩間一開門就入去，湯底比夠酸，比較少辣，硬係爭咁嘅香氣，嗰種三哥獨有嘅味道。兩碗米線叫咗小米，因為真係太大碗，勁多米，我地唔會食得哂。竹笙有益又吸湯，又係必點之一。普通酸辣係點嚟比友人比較下同三哥酸辣有咩分別，我個人就鐘情三哥酸辣的。墨丸同炸醬講真都唔係我杯茶，但好似習慣咁每次都係哩個組合。雲耳麻辣味好食，青瓜口水雞汁惹味，蒜泥白肉蒜泥超夠但味道少了點層次