妹豬無激素雞專門店 (Closed)

餐廳：妹豬無激素雞專門店 (觀塘)地址：觀塘開源道60號駱駝漆大廈3座2樓E1室呢間喺觀塘駱駝漆大廈、仲喺試業期間嘅妹豬無激素雞專門，將會喺7月25號正式開業。佢哋主打香港本地化驗所STC無激素認證嘅無激素雞，每日限量供應，雞隻即日整即日清，絕對唔會賣隔夜雞，開張短短一段時間就試過去到中午12點就已經賣晒所有即日預備好嘅雞隻🐓呢度嘅無激素雞比較瘦身，食落無咁油膩，脂肪比較少，亦無添加色素/黃薑粉，所以見到雞身比較白淨。佢哋採用真空袋抽咗真空再裝住原隻雞拎去低溫慢煮兩個半鐘，令雞隻可以鎖住100%營養，肉質嫩滑帶有輕輕甜味，雞皮無平時食開嘅咁肥膩，質地比較爽，連平時唔食雞皮嘅我都忍唔住食咗兩三塊🤣。依家香港人越嚟越注重健康飲食，相信你同我都想食到啲有質素又健康嘅雞😌今次叫咗個妹豬慢煮無骨滑雞飯($88)同妹豬慢煮無骨沙薑雞飯($88)，後者加$6轉咗本地名牌嘅特濃全蛋伊麵，當中加咗木魚花，就算浸咗一段時間食都仲喺好煙韌掛湯😋。佢哋所有醬汁包括蘸雞豉油、沙薑醬同口水雞醬都喺餐廳自己整，確實夠晒用心，仲唔會搶咗雞本身嘅原味。另外送上幾塊有刺青瓜🥒，食落比一般青瓜爽脆乾身，味道清新依家新開張期