Whatever. Coffee (Closed)

本身ig follow開歐陽昌老師，特別鐘意佢嘅「真體字」。知道佢近排同whatever coffee合作，今日終於有時間去拜訪一下，順便飲下咖啡！Cafe係大南街近旺角個邊，雖然空間位置唔大，但環境好簡潔，基本嘅咖啡/非咖啡飲品都齊，可以邊坐邊欣賞歐陽老師嘅真跡😍嗌左一杯sparkling lemonade，酸酸甜甜，大熱天時飲真係透心涼。今次老師利用佢書法將香港咁多個地鐵站寫哂上豬仔錢罌到，好有香港特色。我最鐘意嘅站店員好親切，幫我影打卡相😆佢話今次展覽係做到8月左右，之後每隔一排就會換唔同類型嘅展覽。感覺cafe係想行artistic 路線？希望之後都keep住有不同本地嘅藝術家嘅展覽，等普通人都有機會發展，而作為香港人嘅我地更加要支持香港文化。下次係植物盤栽，有興趣嘅朋友記得去睇下！