點紫冰冰 (Closed)

大熱天時想飲凍野，點知行過見到新開嘅甜品舖，啲相好吸引喎，一於入黎休下息。友人叫左呢個特色刨冰~阿爾卑斯山配朱古力雪糕，滿滿一大杯。朱古力雪糕味濃仲有朱古力粒，又幾正，旁邊有窩夫粒，涼粉粒，同頂上有一片馬卡龍，口感豐富。主角刨冰有淡淡嘅椰汁味，天時暑熱食一杯真係透心涼。本人叫左朱古力魔球，閃閃下真係巧靚靚。加啲朱古力醬先~好濃朱古力味呀！入面包住雪糕，少少餅乾碎咁，朱古力控啱哂食。個魔球係純朱古力整成，好濃但唔過甜，好味好味，但食完真係幾膩，多人share會好啲。