錦麗 (形點 II)

Open Now

Now Closed

香港地食越南野嘅地方唔多,好難食到一間食過返尋味，好彩住嘅地方有一間好正宗嘅越南粉麵好好食，雖然食過好多次，都冇寫過食評，今次真係好想推介一下，我們一家三口必食嘅係綜合牛腩粉，湯底鮮味不特止，裏面嘅餸都好好味，有牛丸牛腩生牛肉，仲有金不換芽菜辣椒做配菜真係超級好味！還有必食越南炸春卷配埋酸汁冇得頂,最後緊係加杯凍飲啦！我老公就必叫越南滴漏咖啡，我個仔就叫鹹檸檬七喜,我就最鍾意椰汁涼粉冰喇！價錢算合理，但服務員，服務一般，下次我好想試下小米糕同牛油雞翼手。